من طرف كان فى يوم الصبح طالع
كان فى يوم نورنا والع
كان فى يوم الفكر لامع
كان فى يوم الضهر ساطع
كنا فى يوم احسن بشر
واحسن جنود واحسن عبر
كانت حياتنا احسن صور
وكان كلامنا بيشق الحجر
وكان اى واحد مننا على راس الغجر
وكانوا بيحكوا عن علمنا كأنه مطر
بينزل على صحرا ما فيها للحياة اى صور
ويرويها ويرجع ليها النور والقمر
مرت السنين والناس اتغيرت
والبيوت والشوارع بعد ما اتنورت
رجعت الضلمة تانى وشعشعت
فى قلب كل واحد فينا وربعت
والجهل بقى صفة فينا اتشبعت
والظلم بقى عادى والعدل ايامه فلسعت
والدنيا حالها اتقلب وحرارتها بقت 200 فهرنهايت
لا بقينا زى زمان الدنيا ماسكينها
ولا باقيلنا اى كلمة م الماضى حافظينها
وبقينا اخر دولة فى العالم حاطينها
وكل ده علشان ضيعنا اسلامنا
وقلدنا اوروبا وامريكا ياخواننا
وبقى الظلم والعنف مبدانا
واللى مسكوا البلد بيكسروا بابنا
ولما احتكروا الحديد فى الشارع اتسابنا
من غير بيوت ولا سقف لعتبنا
ومشينا متبهدلين بندور على شبابنا
لقيناه اتدارى واتدفن واتبنى فوقيه مدنى
ولما قالوا كفاءات الشباب روحنا وقدمنا
لكن الواسطة من تانى دفنتنا
ودفنت احلامنا معانا وهدتنا
واللى مماتش من قهرته على حاله وحالنا
جاله الخفيف يستركوا منه ويسترنا
وادينا قاعدين ايد على خدنا
والتانية مشلولة وتقريبا مش باينة
خلينا قاعدين نبكى على حالنا
