من طرف ,والله العظيم بحبك
بس انتى مش واخدة بالك
بحاول كتير اوصفلك فى حبى
بس انا لسة مش فى بالك
اعملك ايه عشان تصدقى ان انا من عيالك
والله انا ابن بار ولما بوصف فى جمالك
بحس انى محدش يقدر يطولنى
ولا حد يفعل افعالك
بس الجمال مش كل حاجة ياحبيبتى
فيه لسة واجبك انتى
ولا انتى يادوب خلفتى
وفى الشوارع رميتى
وعليا انا واخواتى ما بصيتى
وديرتى وشك وعديتى
ولا علينا بقلبك حنيتى
ونقولك احنا ولادك دخلتى فى ودنك ورميتى
هنفضل لامتى كده وهتبصيلنا امتى
احنا سلبيين معاكى
عندك حق احنا تواكلنا
بننام ونقول دايبين فى هواكى
بس اليأس هدم حماسنا
بس احنا المفروض نحقق ذاتنا فى حضنك ياملاكى
مش نهاجر ونقول ده انتى هلاكى
انتى كمان اكيد بتحبينا
بس متلجمة بمصلحة دنياكى
نفسك تعيشى برضه واحنا نكون وياكى
بس انتى مش قادرة تعملى حاجة
ياحبيبتى يسعد مساكى
احنا هنفضل نحبك
وهنطلع للسما وياكى
