من طرف 
مذكرات واحد منحوس
المقدمة
ازيكم يا جماعة عاملين اية؟ انشالله تكونوا بخير
احب اعرفكم بنفسى انا منحوس افندى ابو النحس الارشل وطبعا دة مش اسمى الحقيقى بس دة كنييتى
ولو كان ابويا يعرف الغيب كان سمانى منحوس من الاول فعلا..بس لا يعلم الغيب الا الله
على العموم مش هتفرق كتير
وعلى رأى المثل المنحوس منحوس ولو علقوا على راسة فانوس.
المهم احب اعرفكم انى قررت اكتب مذكراتى المذهلة وانشرها على حلقات و بشكل دورى واكيد هتستغربوا من اللى هتشوفوة
واحتمال تفتكروا انى بخترع بس فعلا دة هو الواقع.
===========================================
الحلقة الاولى
البداية
بداية معرفتى بقدراتى الخارقة جاءت متأخرة بعض الشىء فلم اتعرف على هذة القدرات الا بعد بلوغى سن السابعة عشروربما كانت تحدث معى بعض من هذة القدرات قبل هذا الوقت ولكن بداية تعرفى التام عليها لم يأت الا فى السابعة عشر وخصوصا بعد البكالوريا (الثانوية العامة بتاعة اليومين دول ) حيث انهيت الثانوية العامة عام 1977 وحصلت على مجموع 84% وهذا المجموع وفقا لتنسيق العام الماضى على اقل تقدير يؤهلنى اما لكلية الصيدلة اوطب الاسنان او على الاقل الطب البيطرى مش كدة وبس هو كيعنى كان عجبنى انا قلت صيدلة صيدلة مفيش اى مشكلة اهو ارمى ورقى فيها واحسن ثانوية عامة وخلاص ومش فارقة بقى صيدلة من اسنان من طب بيطرى منا هحسن هحسن وقررت انى احسن فعلا وكان معايا واحد صاحبى بردوة كان جايب 87% يعنى كان ضامن صيدلة رسمى مفيش نقاش بس نقول اية صاحبى ولازم يتحمل غلطتة بقى طبعا مش محتاج اقول لكم على اللى حصل..........شكلكم توقعتم اية اللى حصل ايوة فعلا تمام اللى انت فكرت فية دة المجاميع ارتفعت وبقت ناروصاحبى يا عينى لحق كلية تربية وانا دخلت كلية عملية انا كمان وطبعا عادى بقى محنا هنحسن هنحسن اهو يعنى بنرمى ورقنا فى اى كلية بقى والسلام على منحس الثانوية العامة وابتدت السنة الدراسية الجديدة ومحدش فينا راح كليتة طبعا محنا هنحس بقى ومش علمى علوم كمان لأ دة علمى شامل عشان ان مجاش طب المرة دى يبقى هندسة بقى(عايشين فى الوهم) ومكدبش عليكم ذاكرنا وقطعنا نفسنا فى المذاكرة عشان نجيب مجموع عالى وكان واضح فعلا ان احنا هنجيب مجموع عالى... محنا وخدينها جد بقى يا جماعة دة حتى مدرس الرياضة اللى اول مرة اخدها كان بيقولى انت مش هتجيب اقل من 50 من 50 فى الرياضة شوفوا ازاى 50 من 50 يا سلام يا ناس وفى يوم جميل كدة مطلعتلوش شمس تقريبا فى 19نوفمبر جة سيادة معالى رئيس الوزراء بسلامتة عمل اية......................................................................... قول!!!
تفتكر عمل اية؟..... ايوة فعلا لغى التحسين..باين عليك ذكى وفطين والله جة المعلم وقال الغوا الغو .... يا عم استهدا بالله نلغى اية بس ..الغوا التحسين ودة قرار نهائى ......... طب بس اعقل يا عم الحاج واشرب اللمون دة يروق دمك مفيش فايدة الافندى علية عفريت اسمة الغوا التحسين يا عم الحاج استهدا بالله وقول اعوذوا بالله من الشيطان... وهو على كلمة واحدة الغو التحسين يا عم الحاج مش هينفع الطلبة سايبين الكليات وبيحسنوا وامتحانات التيرم هتبدأ فى الكليات ودة راسة جزمة الغوا التحسين يعنى الغوة........وفعلا لغو التحسين يا جماعة قلت مبدهاش بقى وربنا يعوض علينا فى الفلوس اللى دفعناها فى الدروس وفى الكتب اللى اشتريناها والمذارة اللى كنت مقطع نفسى فيها قلت اروح بقى الكلية الحق لى حاجة او حتى احاول اعمل تأجيل للتيرم او السنة كلها رحت الكلية وعلى شئون الطلاب عدل
* يا جماعة انا كنت بحسن ثانوية وحصل كذا كذا....
* عارفين يا سيدى فى غيرك بتاع الف واحد فى الكلية عملوا شكلك
اتارى الجماعة بتوع الكلية قالوا نصطاد فى المية العكرة ونلم لنا قرشين للكلية ونستغل الحكاية دى
قالوا عشان تأجل التيرم يا شطور تدفع 500 جنية
* اية بتقول اية قول تانى اصل باين سمعتك غلط
* لأ سمعتنى صح يا خفيف 500 جنية مينقصوش جنية
* اية يا عم هو حد قالك ان ابويا حرامى ولا امى بتاجر فى المخدرات 500 جنية يا مفترى
وطبعا 500 جنية دة كان مبلغ كبير قوى كان يعتبر ثروة يا جماعة
* طيب بس اعقل كدة وقول كلام يتعقل
* انت هتهزر معايا يا استاذ 500 جنية يا اما تدخل الامتحان وان كان عاجبك
المهم وانا خارج لقيت واحد ابن حلال كدة قالى خد تعالى شكلك غلبان قوى
* اة والله دة انا اغلب من الغلب يا عم الحاج
* طيب بص يا بنى انا استريحت لك لله فى لله كدة اى والله
انت هتدفع 20 جنية نضرب لك شهادة طبية انك مريض ومتقدرش تحضر الامتحانات
وحصل ............... جبت الشهادة الطبية ورحت على شئون الطلاب
* اية دة يا فندى شهادة طبية والله لو بتموت هتمتحن يا اما تدفع ال500 جنية وتأجل
المهم محبتش اريحة بقى ةقلت همتحن بالعند فيك وفى الكلية
رحت بقى اشوف المحاضرات الباقية والسكاشن بقى عشان الحق الم اى حاجة ومصقتش فى الامتحانات
لقيت الجماعة بيمتحنوا العملى ورغم المصيبة دى قلت الحمد لله حظى بردوة حلو انى لحقت امتحانات العملى لو كنت اتأخرت مكنتش لحقت الامتحانات وسقط فى الكلية المهم دخلت وقعدت اخرف طبعا بس بصراحة الدكتور كان شهم ومتعاطف مع الجماعة اللى كانوا بيحسنوا وساعدنا بعد الامتحانا خرجت اسأل على بقية الامتحانات العملية ردوا وقالو انت هندى ولا اية......يا بنى دة كان اخر امتحان واللى جاى النظرى يا اهبل
والدنيا ضلمت
للحديث بقية ولسة باقى الحلقات جاية يا كمباوية
المقدمة
ازيكم يا جماعة عاملين اية؟ انشالله تكونوا بخير
احب اعرفكم بنفسى انا منحوس افندى ابو النحس الارشل وطبعا دة مش اسمى الحقيقى بس دة كنييتى
ولو كان ابويا يعرف الغيب كان سمانى منحوس من الاول فعلا..بس لا يعلم الغيب الا الله
على العموم مش هتفرق كتير
وعلى رأى المثل المنحوس منحوس ولو علقوا على راسة فانوس.
المهم احب اعرفكم انى قررت اكتب مذكراتى المذهلة وانشرها على حلقات و بشكل دورى واكيد هتستغربوا من اللى هتشوفوة
واحتمال تفتكروا انى بخترع بس فعلا دة هو الواقع.
===========================================
الحلقة الاولى
البداية
بداية معرفتى بقدراتى الخارقة جاءت متأخرة بعض الشىء فلم اتعرف على هذة القدرات الا بعد بلوغى سن السابعة عشروربما كانت تحدث معى بعض من هذة القدرات قبل هذا الوقت ولكن بداية تعرفى التام عليها لم يأت الا فى السابعة عشر وخصوصا بعد البكالوريا (الثانوية العامة بتاعة اليومين دول ) حيث انهيت الثانوية العامة عام 1977 وحصلت على مجموع 84% وهذا المجموع وفقا لتنسيق العام الماضى على اقل تقدير يؤهلنى اما لكلية الصيدلة اوطب الاسنان او على الاقل الطب البيطرى مش كدة وبس هو كيعنى كان عجبنى انا قلت صيدلة صيدلة مفيش اى مشكلة اهو ارمى ورقى فيها واحسن ثانوية عامة وخلاص ومش فارقة بقى صيدلة من اسنان من طب بيطرى منا هحسن هحسن وقررت انى احسن فعلا وكان معايا واحد صاحبى بردوة كان جايب 87% يعنى كان ضامن صيدلة رسمى مفيش نقاش بس نقول اية صاحبى ولازم يتحمل غلطتة بقى طبعا مش محتاج اقول لكم على اللى حصل..........شكلكم توقعتم اية اللى حصل ايوة فعلا تمام اللى انت فكرت فية دة المجاميع ارتفعت وبقت ناروصاحبى يا عينى لحق كلية تربية وانا دخلت كلية عملية انا كمان وطبعا عادى بقى محنا هنحسن هنحسن اهو يعنى بنرمى ورقنا فى اى كلية بقى والسلام على منحس الثانوية العامة وابتدت السنة الدراسية الجديدة ومحدش فينا راح كليتة طبعا محنا هنحس بقى ومش علمى علوم كمان لأ دة علمى شامل عشان ان مجاش طب المرة دى يبقى هندسة بقى(عايشين فى الوهم) ومكدبش عليكم ذاكرنا وقطعنا نفسنا فى المذاكرة عشان نجيب مجموع عالى وكان واضح فعلا ان احنا هنجيب مجموع عالى... محنا وخدينها جد بقى يا جماعة دة حتى مدرس الرياضة اللى اول مرة اخدها كان بيقولى انت مش هتجيب اقل من 50 من 50 فى الرياضة شوفوا ازاى 50 من 50 يا سلام يا ناس وفى يوم جميل كدة مطلعتلوش شمس تقريبا فى 19نوفمبر جة سيادة معالى رئيس الوزراء بسلامتة عمل اية......................................................................... قول!!!
تفتكر عمل اية؟..... ايوة فعلا لغى التحسين..باين عليك ذكى وفطين والله جة المعلم وقال الغوا الغو .... يا عم استهدا بالله نلغى اية بس ..الغوا التحسين ودة قرار نهائى ......... طب بس اعقل يا عم الحاج واشرب اللمون دة يروق دمك مفيش فايدة الافندى علية عفريت اسمة الغوا التحسين يا عم الحاج استهدا بالله وقول اعوذوا بالله من الشيطان... وهو على كلمة واحدة الغو التحسين يا عم الحاج مش هينفع الطلبة سايبين الكليات وبيحسنوا وامتحانات التيرم هتبدأ فى الكليات ودة راسة جزمة الغوا التحسين يعنى الغوة........وفعلا لغو التحسين يا جماعة قلت مبدهاش بقى وربنا يعوض علينا فى الفلوس اللى دفعناها فى الدروس وفى الكتب اللى اشتريناها والمذارة اللى كنت مقطع نفسى فيها قلت اروح بقى الكلية الحق لى حاجة او حتى احاول اعمل تأجيل للتيرم او السنة كلها رحت الكلية وعلى شئون الطلاب عدل
* يا جماعة انا كنت بحسن ثانوية وحصل كذا كذا....
* عارفين يا سيدى فى غيرك بتاع الف واحد فى الكلية عملوا شكلك
اتارى الجماعة بتوع الكلية قالوا نصطاد فى المية العكرة ونلم لنا قرشين للكلية ونستغل الحكاية دى
قالوا عشان تأجل التيرم يا شطور تدفع 500 جنية
* اية بتقول اية قول تانى اصل باين سمعتك غلط
* لأ سمعتنى صح يا خفيف 500 جنية مينقصوش جنية
* اية يا عم هو حد قالك ان ابويا حرامى ولا امى بتاجر فى المخدرات 500 جنية يا مفترى
وطبعا 500 جنية دة كان مبلغ كبير قوى كان يعتبر ثروة يا جماعة
* طيب بس اعقل كدة وقول كلام يتعقل
* انت هتهزر معايا يا استاذ 500 جنية يا اما تدخل الامتحان وان كان عاجبك
المهم وانا خارج لقيت واحد ابن حلال كدة قالى خد تعالى شكلك غلبان قوى
* اة والله دة انا اغلب من الغلب يا عم الحاج
* طيب بص يا بنى انا استريحت لك لله فى لله كدة اى والله
انت هتدفع 20 جنية نضرب لك شهادة طبية انك مريض ومتقدرش تحضر الامتحانات
وحصل ............... جبت الشهادة الطبية ورحت على شئون الطلاب
* اية دة يا فندى شهادة طبية والله لو بتموت هتمتحن يا اما تدفع ال500 جنية وتأجل
المهم محبتش اريحة بقى ةقلت همتحن بالعند فيك وفى الكلية
رحت بقى اشوف المحاضرات الباقية والسكاشن بقى عشان الحق الم اى حاجة ومصقتش فى الامتحانات
لقيت الجماعة بيمتحنوا العملى ورغم المصيبة دى قلت الحمد لله حظى بردوة حلو انى لحقت امتحانات العملى لو كنت اتأخرت مكنتش لحقت الامتحانات وسقط فى الكلية المهم دخلت وقعدت اخرف طبعا بس بصراحة الدكتور كان شهم ومتعاطف مع الجماعة اللى كانوا بيحسنوا وساعدنا بعد الامتحانا خرجت اسأل على بقية الامتحانات العملية ردوا وقالو انت هندى ولا اية......يا بنى دة كان اخر امتحان واللى جاى النظرى يا اهبل
والدنيا ضلمت
للحديث بقية ولسة باقى الحلقات جاية يا كمباوية
