من طرف باعوكى يابلد بالرخيص
ووكسوا شعبك احسن توكيس
وضحكوا علينا وقالوا هتاخدوا البقشيش
باعوكى يابلد وباعوا اهلك
وبالخناجر والسكاكين طعنوكى فى ضهرك
ومن اعلى جبل فيكى رموا قلبك
وشطبوا اسمك من التاريخ ورسمك
ولفوا عل ىوسط استك
وقالولك اخنقى ع اللى جواكى
واحرقى كل اللى بيحبك
زوادبحى كل اللى لسة شايف فيه امل
وكل اللى لسة بيحلم بقومتك
واعلنى للناس انتحارك
وقوليلهم انتى اللى قتلتى نفسك
واعملى اخدود وارمى الناس فيه
ومتخافيش محدش هيقدر يتكلم
علشان احنا قطعنا الالسنة والكل بلم
واللى بيتكلم بيترمى فى المعتقل
واحب ناس لينا اللى كلامهم قل ودل
انتى خلاص يامصر ضيعتى
انتى خلاص يامصر موتتى
واتشيعت دفنتك وتحت التراب كنتى
ولا هينفع ثورة ولا مظاهرة
ما انتى خلاص يابلد موتتى
بقيتى ماضى والبركة فى حكومتك
اللى باعوا ارضك فى نومتك
وانتى مش واخدة بالك
سرقوا خيرك وسكتتى
دمروا شبابك وسكتتى
باعوا ارضك وما اتكلمتى
قومى بقى يامصر ناضلى
الاحتلال راجع هياخدك فى حضنه
والمرة دى مش هتقدرى تقولى ياولدى
كل اولادك هيتطردوا براكى
ولا يوم هنرجع معاكى
خلاص يابلدى خلاص انتهينا
استنينا الاصلاح وزى ما روحنا جينا
بجد يابلدى هتوحشينا
بقلمى
