من طرف خس و جزر
فاكر الارنب الغضبان
بتاع زمان
اللى كان فى كتاب المطالعة
لما قال انا زهقان
م الخس والجزر
قالوا عليه كفر
ومرمطوه غربة وسفر
م الواحات للقلعة
لحد ماقال خلاص حرام
مش قادر اقول الاه
وكل ما امه تقوله
ايه اخبار الجزر
يقول يا سلام يا سلام
وايه اخبار الخس
يقول الله الله ايه الحلاوة دى
طب فاكر
القضاء ع الاقطاع واعوانه
الله يرحمك بقى يامه
قلتيلى الكتاب بيبان من عنوانه
طب فاكر .. كامل عامل ف المصنع
انا معرفش فين راح المصنع
بس كامل على ما اسمع
مات غريق وهو بيحاول
يهرب ل ايطاليا
فاكر تحيا الحرية
طب ادينا كلنا بقينا
ارانب ف حلة ملوخية
بالهنا والشفا
يا كابتن
فاكر الارنب الغضبان
بتاع زمان
اللى كان فى كتاب المطالعة
لما قال انا زهقان
م الخس والجزر
قالوا عليه كفر
ومرمطوه غربة وسفر
م الواحات للقلعة
لحد ماقال خلاص حرام
مش قادر اقول الاه
وكل ما امه تقوله
ايه اخبار الجزر
يقول يا سلام يا سلام
وايه اخبار الخس
يقول الله الله ايه الحلاوة دى
طب فاكر
القضاء ع الاقطاع واعوانه
الله يرحمك بقى يامه
قلتيلى الكتاب بيبان من عنوانه
طب فاكر .. كامل عامل ف المصنع
انا معرفش فين راح المصنع
بس كامل على ما اسمع
مات غريق وهو بيحاول
يهرب ل ايطاليا
فاكر تحيا الحرية
طب ادينا كلنا بقينا
ارانب ف حلة ملوخية
بالهنا والشفا
يا كابتن
