من طرف واخيرا جيت
الحمد لله
قولنا انت نسيت
يافرج الله
ايامك فرحة وخيرها زيادة
يامحلا السهر فى الصلاة والعبادة
بنروح الجامع مع احسن صحبة
والناس فرحانة باحسن صحبة
والقران يتقرا مية مرة
علشان الثواب فيه بالجملة
ومفيش احلى ولا هيكون
من لمة العيلة كل يوم
ولا اللقمة تفطر مية
ومفيش حد ينام محروم
مااهو اصل انت شهرالصوم
والناس بتفطر وتقوم
علشان تلحق التراويح
وياها ذكر وتسابيح
وتلاوة وخطب وقراءة
وتهجد وقيام ده صحيح
واللى مخاصم صاحبه يصالحه
واللى يعاكس يغض بصره
علشان كل ده بيكافحه
علشان يعرف قيمة نظره
واللى بينم ويشتم
لازم يمسك لسانه
علشان يوم القيامة هيندم ع اللى قاله
واللى بيعمل معاصى لازم يبطلها
لان الملايكة هيمشوا من قبح منظرها
وياريت نفضل على كده حتى بعد رمضان
علشان نكون من اهل جنة الرحمن
ويارب يقبل صيامنا
وزكاتنا وقيامنا
وتعود لنا تانى
وياريت من غير غياب
وبرده هنستناك
ياشهر الاحباب
