من طرف ماشية فى طريق ضلمة
مليان خوف وعتمة
ولا باينله معالم
ولا باينله اى سلالم
لا طلوع ولا نزول
كل الطريق ماشى على طول
لكن مش شايفة حاجة
تدل على الوصول
كله ضباب وتراب
كله سواد وهباب
وفضلت تايهة كتير
مش لاقية اى اشارة
وفجاة لقيت النور جايلى بيندهلى
بيقولى الطريق الصح جايلى على مهلى
ووصلت للامان بعد ضياع كتير
ولقيت الدفا
والحب والوفا
ولقيت فيه الجمال
ومهما اللى اتقال
مش هوصف شعورى
بعد ما دوقت الوصال
جمال ايمانك يارب ولذة عبادتك والقرب
قربت منك حبيتك
والحب ده مش اى حب
ويارب تثبتنى فى اجمل طريق
وما تبعدنى عن طريق الحق
يارب انا لما عرفتك محبيتش حد غيرك
يارب عرفت اسمائك وصفاتك
انا مش عايزة غير رضاك ولا رضا غيرك
انا مش عايزة غير اكون امتك
خلاص انا ان شئت مش راجعة تانى
ولو سبت جاه الدنيا كله فى مكانى
ولما حد يسألنى هقوله رب العرش نجانى
