من طرف احنا فسادنا يارب كبير
ولو فكرنا فىالتغيير
هييجى علينا عساكر لمة
والضباط والمخبرين
وادى تحقيق فى حرايق شبرا
وزيارة حبايبنا الحلوين
احنا اللى دمرنا الطيران
واحنا اللى حرقنا الاطيان
واحنا اللى هدمنا العمران
واحنا اللى عملنا بلاوى
كانت سبب فى الفيضان
وادى مصيبة وادى قضية
وبقينا سوابق حرامية
وده كله علشان فًًكرنا
ان احنا مش هنبقى هفية
ولا قربنا لتنظيم مرة
ولا مظاهرة ولا حركات حرة
احنا قولنا بصوت عالى
فين حقنا فى السد العالى
فين حقنا فى قناة السويس
فين الحق فى كام اتوبيس
نركب فيهم مرة بسرعة
من غير زحمة ولا كرابيس
فين حقنا فى اللقمة الحلوة
من غير لا زعيق ولا تلطيش
فين حقنا فىالشغل الفاضى
لا انا دكتور ولا عايز قاضى
عايزين شغلانة بدراستنا
نفيد بيها ولاد حتتنا
ونًطلع فيها موهبتنا
بدل ما تطلع فى كلام فاضى
عايزين شقة قوضة وصالة
لا انا عايز فيلا ولا عمارة
ولا قصر بجنينة وخمارة
اصرف فيه شقى عمر الحارة
نفسى بجد فى عيشة هنية
يوم اكل لحمة ويوم طعمية
ويوم ارانب فى الملوخية
انا مش طماع ياافندية
انا بنى ادم دم ومية
واللحمة مبقتش فيا
وياريت ضميركوا يصحى شوية
واشوفكوا بقى المرة الجاية
لو متعمليش مليون قضية
