من طرف من يوم ما جيت وانا ع الرصيف
يوم الاقى اكل يوم الاقى رغيف
يوم متغطى ويوم بردان
يوم مدفى ويوم حران
ولا عندى قوضة بمنافعها
ولا عندى حاجة اضيعها
انا انسان وبسيط من يومى
ولا نقيت اسمى ولا هدومى
ولا نقيت شغلى ببهدلته
ولا عندى عيلة تقوينى
بصحى الصبح انا فى الفجرية
واقف ابيع لكام عربية
ورد وفل وكام عسلية
واللى يضحكلى ويكرمنى
واللى يكشر ويعكننى
واللى مش طايق لى كلمة
واللى يقولى ده واد رمة
انا مخترتش حتى حياتى
لا اجى امتى ولا امتى مماتى
ولا ايه هيحصلى دلوقتى ولا فى الاتى
معرفش يعنى ايه مستقبل ولا ايه ماضى
نفسى الاقى حتة تدفينى
والاقى امى بتغطينى
لكن اصحى من حلمى واوهامى
الاقينى لسة فى مكانى
تحت الكوبرى فى وسط السكة
تحت القطر وجوه الربكة
واضرب نفسى جوزين اقلا م علشان اعدى
واقضى يومى زى ما يتقضى
ومبصش فى السما قدامى
علشان عالية وانا دور تانى
نفسى بجد يابنى ادمين
نتعامل اننا من طين
ولا انتوا من طين فخارى
وانا من اسفل السافلين
انا انسان برضه ياعالم
بس الدنيا عاملة مظالم
بينى وبينكوا فى فجوات
واشمعنى احنا بالذات
ملناش بيت ولا اهل وناس
ابعد عنى ياوسواس
ده قدرى وانا راضى بيه
ومسًلم وانا عارف ليه
نفسى بجد انتوا تحبونى
وبحب وحنية تعاملونى
مش عايز ابقى شرانى
علشان كل الناس واخدانى
على انى من عالم تانى
ومبوظ سمعة اوطانى
كفاية كده ولا اقول كمان
ما انا عارف ان مفيش انسان
هيصدق كلمة من اللى اتقال
ويعمل انه ملهش ودان
واتعامل تانى زى الاول
علشان كده انا هسكت خالص
ولا ليا حتى نص لسان
ولو عايزنًى اسيبكم وامشى
موافق وانا مش زعلان
يوم الاقى اكل يوم الاقى رغيف
يوم متغطى ويوم بردان
يوم مدفى ويوم حران
ولا عندى قوضة بمنافعها
ولا عندى حاجة اضيعها
انا انسان وبسيط من يومى
ولا نقيت اسمى ولا هدومى
ولا نقيت شغلى ببهدلته
ولا عندى عيلة تقوينى
بصحى الصبح انا فى الفجرية
واقف ابيع لكام عربية
ورد وفل وكام عسلية
واللى يضحكلى ويكرمنى
واللى يكشر ويعكننى
واللى مش طايق لى كلمة
واللى يقولى ده واد رمة
انا مخترتش حتى حياتى
لا اجى امتى ولا امتى مماتى
ولا ايه هيحصلى دلوقتى ولا فى الاتى
معرفش يعنى ايه مستقبل ولا ايه ماضى
نفسى الاقى حتة تدفينى
والاقى امى بتغطينى
لكن اصحى من حلمى واوهامى
الاقينى لسة فى مكانى
تحت الكوبرى فى وسط السكة
تحت القطر وجوه الربكة
واضرب نفسى جوزين اقلا م علشان اعدى
واقضى يومى زى ما يتقضى
ومبصش فى السما قدامى
علشان عالية وانا دور تانى
نفسى بجد يابنى ادمين
نتعامل اننا من طين
ولا انتوا من طين فخارى
وانا من اسفل السافلين
انا انسان برضه ياعالم
بس الدنيا عاملة مظالم
بينى وبينكوا فى فجوات
واشمعنى احنا بالذات
ملناش بيت ولا اهل وناس
ابعد عنى ياوسواس
ده قدرى وانا راضى بيه
ومسًلم وانا عارف ليه
نفسى بجد انتوا تحبونى
وبحب وحنية تعاملونى
مش عايز ابقى شرانى
علشان كل الناس واخدانى
على انى من عالم تانى
ومبوظ سمعة اوطانى
كفاية كده ولا اقول كمان
ما انا عارف ان مفيش انسان
هيصدق كلمة من اللى اتقال
ويعمل انه ملهش ودان
واتعامل تانى زى الاول
علشان كده انا هسكت خالص
ولا ليا حتى نص لسان
ولو عايزنًى اسيبكم وامشى
موافق وانا مش زعلان
