من طرف انا نفسى فى يوم احب واتهنى فى يوم واعيش
والاقى الدنيا حلوة ويكون فى الوحدة مليش
نفسى فى حد يقولى بحبك وطول العمر انا هفضل جمبك
وكل ما بيننا الوقت يعدى الحب بينا يزيد ويكبر
واقول لكل الناس بقلب جامد انا حبيت
وانا وحبيبى هنكون اجمل بيت
امسك ايده فى ايدى واتمشى واحضن قلبه بقلبى واعيش
يوم اقوله بحبك وبدوب فيك
ويوم اقوله ربنا يخليك ليا ويخلينى ليك
وتكون سعادتى بسعادته وابص فى عنيه وارتاح
ومهما اكون حزينه يكون دوا للجراح
ولما حد يقولى انا بحب هقوله وانا كمان
ولقيت كل حاجة فى دنيتى وكل الامان
وقلبى مش هيكون فاضى ومعلن العصيان
ومش هيصدى قلبى بمرور الزمان
علشان انا سكنته ومليته كله حنان
لكن قلبى مش بيطاوعنى وعقلى كمان
وكل ما اقوله هو ده يقولى كانى ومان
اقوله طيب اجرب يقولى مستحملش حد يقولى انسى اللى كان
اقوله نفسى احب واقول كمان
يقولى مش كل راجل ملاك ولا غلبان
اقوله طيب انا مش حاسة انى انثى ولا انسان
يقولى بكره هييجى اللى يشتريكى قافلة البيبان
وهتفتحيها ليه لوحده بيت ومكان
وهيتربع فى قلبك ويبقى ليكى الصاين والصوان
واقوله اعمل ايه فى حبى الل ىعايز يطلع لاى كان
يقولى ولا واحد يستاهل منك حنان
خليكى عاقلة وصونى قلبك بأمان
وخليه مقفل على اللى جوه من زمان
وهييجى اللى يفتحه فى يوم من الايام
ويقدر انتظارك ياجوهرته المصان
وحفاظك على عفة قلبك الفتان
ولما اقوله اليوم ده غاب ياقلبى
يقولى اوعى تتعبى من الانتظار
واوعى تفرطى فى طيبة قلبك لاى كائن كان
انتى غالية وخليكى غاليه طول الزمان
واللى يقدر الغالى هيكون من نصيبك وهيكون اطيب واغلى انسان
بس انتى خليكى عالية وغالية كمان
واوعى تقولى نفسى احب واحس بامان
ومهما طالت او عدت الايام
محدش بياخد غير نصيبه اللى قدره رب الاكوان
اسمع كلامه ولا اسيب بابى موارب؟
وبلاش اقفله بحزام الامان
انا تعبت من الحيرة ومن الوقت اللى فات
وانا بستنى حد يخبط واخاف لو قلبى مات
واتكفن واتدارى فى التراب
ولما ييجى الحب ميلاقيش عندى اى ابواب
خايفة بجد من اللى جاى وخايفة بيا يعدى العمر
وانا لسة مدوقتش طعم الحب والانتظار كله صعب
