من طرف لا سيبوهالى مش دى كمان
حتى احلامى بقت اوهام
نفسى فى مرة اتهنى بحاجة
دى الاحلام مبقتش بحاجة
سيبولى عقلى نفسه يفكر
ازاى يوصل ويدبر
ولا كمان دى هتوأدوهالى
وتقولوا دى حبة احلام
ماهو واحد من غير احلام
زى قميص من غير اكمام
وكشكول من غير اقلام
احلامى مش هتخسركوا
ودى افكارى مش افكاركوا
سيبوهالى الله يخليكوا
وانا وشى والله ما اوريكوا
رًوحوا عنى الله يهديكوا
وسيبونى شوية انام
