من طرف انت ابن مين يابابا
انا ابن راجل عادى زى اى حد
خلاص يااخينا روح على بيتكو مش عايزينك
كل حاجة دلوقتى بقت ماشية بالواسطة انت ابن مين ؟ وتعرف مين من الروس الكبيرة ؟
وعندك قد ايه فى البنك؟ ووالدك بيشتغل ايه؟ وابن عم مرات خالك بيشتغل ايه ؟
تيجى تقدم فى شغل ولو عندك المهارات وكنت بتطلع روحك فى المزاكرة ايام الجامعة عشان تجيب تقديرات عالية وبتجيب لكن اول ما بتتخرج يقولولك لا يابنى اصل محروس بيه موصى على ابن اخت مراته وانت متلزمناش
المفروض من يوم ما نتولد نعرف اذا كان فى حد فى قرايبنا او معارفنا من الروس الكبيرة عشان يتوسطلنا ولا ناخدها من قاصرها ونقعد فى البيت عشان احنا قاعدين قاعدين؟
لو فى حد حلمه انه يبقى ظابط ميحلمش كتير الا بعد ما يتأكد ان فى عيتلته ما لا يقل عن رتبة لواء والا هيطلعوه من كشف الهيئة حتى لو كان فى استطاعته انه يبقى احسن من ناس كتير جدا بس للاسف دول معاهم الواسطة ومش معاهم المهارة
الواسطة الى دمرت احلام الملايين ووصلت الناس اللى متستاهلش لمناصب انت اولى بيها
الواسطة اللى بفضلها كل شغل بايظ لان اللى بيعملوه مش فاهمينه
الواسطة اللى قسمت الشعب للطبقة الارستقراطية والطبقة المعدومة واغتالت الطبقة المتوسطة
الواسطة اللى زودت نسبة العنوسة فى البلد لان محدش قادر يشتغل شغلانة يقدر يتجوز منها ويفتح بيها بيت
الواسطة اللى زودت نسبة الحرامية فى البلد لان اكل الحلال بقى صعب
الواسطة اللى سببت ان كل الشباب يهاجر بره ويكره بلده
علشان بره مفيش واسطة
علشان بره فى تعب ومجهود وعرق وكفاءة
هناك فى شغل
هناك مفيش انت ابن مين
هناك مفيش انت حسابك كام فى البنك
امتى هنبقى زيهم
ليه بنقلدهم فى الحاجات الهايفة اللى بتضرنا بس والحاجات اللى مش بتنفع فى مجتمعنا على اساس ان هو ده التحضر وناسيين ان الناس دى بتبص لنا وتضحك علينا
ليه مجربناش مرة نجرب اى حاجة كويسة من عندهم ليه بنسيب الحلو وناخد الوحش
وهو ده الفرق اللى بينا وبينهم
هما عارفين المفروض ياخدوا مننا ايه
وعارفين ايه اللى هيفيدهم مننا
لكن احنا مش عارفين
عشان كده طول عمرنا هنفضل دولة نامية
وهما هيكونوا رقم 1
انا ابن راجل عادى زى اى حد
خلاص يااخينا روح على بيتكو مش عايزينك
كل حاجة دلوقتى بقت ماشية بالواسطة انت ابن مين ؟ وتعرف مين من الروس الكبيرة ؟
وعندك قد ايه فى البنك؟ ووالدك بيشتغل ايه؟ وابن عم مرات خالك بيشتغل ايه ؟
تيجى تقدم فى شغل ولو عندك المهارات وكنت بتطلع روحك فى المزاكرة ايام الجامعة عشان تجيب تقديرات عالية وبتجيب لكن اول ما بتتخرج يقولولك لا يابنى اصل محروس بيه موصى على ابن اخت مراته وانت متلزمناش
المفروض من يوم ما نتولد نعرف اذا كان فى حد فى قرايبنا او معارفنا من الروس الكبيرة عشان يتوسطلنا ولا ناخدها من قاصرها ونقعد فى البيت عشان احنا قاعدين قاعدين؟
لو فى حد حلمه انه يبقى ظابط ميحلمش كتير الا بعد ما يتأكد ان فى عيتلته ما لا يقل عن رتبة لواء والا هيطلعوه من كشف الهيئة حتى لو كان فى استطاعته انه يبقى احسن من ناس كتير جدا بس للاسف دول معاهم الواسطة ومش معاهم المهارة
الواسطة الى دمرت احلام الملايين ووصلت الناس اللى متستاهلش لمناصب انت اولى بيها
الواسطة اللى بفضلها كل شغل بايظ لان اللى بيعملوه مش فاهمينه
الواسطة اللى قسمت الشعب للطبقة الارستقراطية والطبقة المعدومة واغتالت الطبقة المتوسطة
الواسطة اللى زودت نسبة العنوسة فى البلد لان محدش قادر يشتغل شغلانة يقدر يتجوز منها ويفتح بيها بيت
الواسطة اللى زودت نسبة الحرامية فى البلد لان اكل الحلال بقى صعب
الواسطة اللى سببت ان كل الشباب يهاجر بره ويكره بلده
علشان بره مفيش واسطة
علشان بره فى تعب ومجهود وعرق وكفاءة
هناك فى شغل
هناك مفيش انت ابن مين
هناك مفيش انت حسابك كام فى البنك
امتى هنبقى زيهم
ليه بنقلدهم فى الحاجات الهايفة اللى بتضرنا بس والحاجات اللى مش بتنفع فى مجتمعنا على اساس ان هو ده التحضر وناسيين ان الناس دى بتبص لنا وتضحك علينا
ليه مجربناش مرة نجرب اى حاجة كويسة من عندهم ليه بنسيب الحلو وناخد الوحش
وهو ده الفرق اللى بينا وبينهم
هما عارفين المفروض ياخدوا مننا ايه
وعارفين ايه اللى هيفيدهم مننا
لكن احنا مش عارفين
عشان كده طول عمرنا هنفضل دولة نامية
وهما هيكونوا رقم 1
