من طرف قالولى ان الدنيا ملهاش امان
وان اللى داخلها اكيد خسران
قلتلهم اجرب زى اى انسان
وحتى لو كانت النتيجة غدر الزمان
ودخلت الدنيا برجلى اليمين
وقلت بسم الله وتوكلت مع المتوكلين
وحاولت اخدها بالحضن لكنها ديرت الجبيبن
وعشت فيها ايام وسنين
لكن كل اللى لاقيته منها ما يخزى العين
الفرح قليل والحزن بيه متوصيين
وكل ما اطلع من حفرة اغرس فى بير طين
مش عارفة الغلط منى ولا مننا احنا الاتنين
ولا هى الدنيا كده من اقدم الاقدمين
وانا اللى مخدتش بالى وغمضت العين
لكنى عرفت ان اللى شاريها من الخاسرين
واللى يبيعها بتجيبله نن العين
قلت هبيعها وانا من الفايزين
ده محدش خد منها حاجة ولا واخدين
وهعمل حساب الاخرة ويوم الدين
اللى الخاسر فيها خاسر ويابخت المؤمنين
اللى عرفوا ان الدنيا بتغدر بالبنى ادمين
وان الاخرة هى الحق المبين
