من طرف اهو جه اليوم اللى بنستناه
انت وانا اليوم ده يامحلاه
كوشة وزفة وزغاريط
رقص وفرحة وتنطيط
بص هناك دى الناس فرحانة
وبتدعى وتقول ياهنانا
بكره نجيب 12 عيل
ويطلعوا روحنا ونستحمل
واحسن لحظة اما نشوفهم
يكبروا قدامنا ياحلاوتهم
وانت تقولى ده شبهك انتى
وانا هحلفلك انت شبههم
وانت تقولى حماتى دى سكر
وانا اقولك دى حماتى دى بلسم
ونفضل نكبر واحنا بنحلم
ان اليوم الجاى ده احسن
واقعد جمبك وانت مكشر
علشان تعرف ان انا جمبك
وانت تقولى يخليكى ليا
وانا هقولك لسة بحبك
وبيتنا بكره هيكون اكبر
واللمة فيه هتبقى كبيرة
وهنبقى انا وانت جد وجدة
ونربى فى احفادنا الغاليين
وهنحكيلهم ازاى بيتنا
بقى مليان كده ناس حلوين
علشان الحب والعشرة
هما اللى بيعملوا بنى ادمين
