من طرف انت بتكلمنى يااهبل
اه يابحر يارب تعقل
هو عشان فضفضت شوية
ع اللى فى قلبى يابحر هتزعل
طب اروح فين ولا اعمل ايه
ومين دلوقتى يابحر بيسسمع
قولت اجى افك شوية معاك
ولا خلاص الكلمة هتمنع
يعنى هحط لسانى فى بقى
ولا كلمة واحدة راح تطلع
وبعدين يعنى هو انت بتنفع
يعنى بتفهم ولا بتسمع
انت يادوب موجة رايحة وجاية
تضرب فيك وفين يوجع
وانت صبرت بقالك عمر
مع ان الضرب ده بيوجع
طب انصحنى فضفض ليا
ولا الموج ده تملى مبرطع
لطم وضرب وثورة وهوجة
موجة تعدى ووراها موجة
وانت هادى يابحر
علمنى ازاى بيكون الصبر
علمنى ازاى اهدى يابحر
ولا اقولك منى هتتعلم
وراح تسمع ومش هتتكلم
اعضب ثور غرق ناسك
ده منطقك العظيم
اقولك انت شكلك مش هتتعلم
انت طبعك فيك متين
علشان كده انا هرًوح
ولو انت تعبان وموحوح
نادى عليا يابحر معاك
ومن النهاردة مش هتكون ملاك
