من طرف يوميات سواق توكتوك 1
الاسم : عبدالرحيم خضر حسنين
السن:32 سنة الا 3 شهور
المؤهل:بكالوريوس هندسة قسم نووى جامعة الاسكندرية بتقدير عام جيد جدا مع مرتبة الشرف
وكمان واخد ماجستير فى الانشطار النووى الديمقراطى
على فكرة هياخد الدكتوراة بعد 6 شهور بس محرج يقول ..... اصلة بيسوق توكتوك
الحالة الاجتماعية: اعزب طبعا
الوظيفة:سواق توكتوك قد الدنيا
محل الاقامة: قاعد بعد جرن الطرشة
الخبرات العلمية: مفيش
لية : اصل معندوش واسطة وحمار بقى مش عارف يدفع قرشين لسى النايب وهو يخلقلة وظيفة
بس نقول اية اصلة فقرى وقال اية عندة مبدأ (طب والنبى دة اسمة كلام فى الزمن دة)
الهوايات: 1- القراءة (مغفل الواد دة ولا اية)
2-الاستماع لاغانى ان كلثوم وعبدالوهاب وحليم (.....؟؟؟؟ اية دة اية دة هو دة منظر مش بقولكم مخة تعبان وعايش فى الماضى بس نقول اية كل واحد بيعجبة عقلة (حمار )
3- كتابة الشعر والزجل ( مش عارف اقول اية قولوا لو انتم ولا اقولكم متعبروهوش وسبوة كدة زى الهو)
يا راجل ياراجل
هو فى كدة
اوعوا تكونوا فاكرينى بظلمة ولا بفترى علية دة هو اللى واد فقرى عشان تصدقوا شوفوا يا عم عمل اية الحمار بن!!!!!!!!!!!!
الواد عبدة كان ماشى يوم فى الشارع لقى بت مشية بتتقصع وترمى نظرة لدة وضحكة لدة وكل دة عادى ولا هو فاهم حاجة
المهم فجأة طلع 4 شباب من بتوع اليومين دول (العيال اللى شكلها حليوة دى ) وهات يا معاكسة اشى يا قمر
مش هتيجى بقى نكمل كلامنا خدى بس اقولك وهى ماشية تتقصع وتفرقع فى اللبانة
طب بس خدى يا ميمى طب والله معدت مزعلك تانى ودى ولا هنا
المهم المغفل ابو مبدأ قال! مبدأ اية يا بو مبدأ (تفوة عليك )
عبدة قال الكلام دة عيب وميصحش فى بلد شرقى زى مصر وراح للشباب الحلويين دول
يا جماعة اللى انتوا بتعملوة دة عيب وميصحش وانا مش هسكتلكم اية هو انتوا ملكمش اخوات بنات؟
الشباب : يلا يابا امشى روح شوف حالك
عبدة : مش همشى من هنا الا متسيبوا الانسة دى فى حالها والا؟؟؟؟؟؟؟
هو مكملش الا دى وفين يوجعك
المهم الناس اتلمت وعجبهم موقف الواد عبدة واللى يقولة راجل يا واد
واللى يقولة لا دمك حامى
مش مكتر عليكم المهم الناس بلغو البوليس وجم خدوا عبدة والشباب
تفتكروا اية اللى حصل فى المركززززززززززززززززززززززززززززززززز
ولا حاجة العيال قالوا انهم لقوا عبدة بيعاكس فى خطيبة جيمى (واحد منهم) طبعا بيكدبوا
وقالوا نشهد البت حتى
المهم البت دى يا عم طلعت مين؟
هه هه هتقول يلا؟
غلب حمارك؟
طلعت البت الملعب بتاعة هيما (واحد من الشلة بردة) وكانت زعلانة معاة اصلها نست قميص النوم بتاعها عندة وهو مرضاش يرجعة لها مع انها بتعتز بية قوى هو والاند؟؟؟؟؟؟؟؟؟ وير الازرق
المهم بعتوا للبت ميمى
وبعد مهيما سبلها وبتاع قالت شهادتها طبعا
وطلع ان الحمار كان بيتحرش بيها واحنا مش فاهمين
بس البت طلعت جدعة وقالت مش هعمل بلاغ وربنا يسهلة بس ظابط المباحث حلف ليحبسة اسبوع عشان يتربى
ايوة يتربى لازم يتربى ويعرف ان الله حق
عرفتوا انة حمار وبن!!!!!!!!!!!!!!!!!!!
==================================== يتبع=====
