سياسى اجتماعى منوع


    مقال احمد فؤاد نجم من جريده الدستور

    شاطر
    avatar
    MAGIC14
    القائم باعمال المدير
    القائم باعمال المدير

    عدد الرسائل : 1673
    العمر : 35
    الموقع : كوكب تاني
    العمل/الترفيه : مرشد سياحي
    المزاج : عالي اوي
    الهوايات : اجهزة الدش والكمبيوتر
    الجنسية : مصرى
    تاريخ التسجيل : 11/10/2008

    مقال احمد فؤاد نجم من جريده الدستور

    مُساهمة من طرف MAGIC14 في الأحد نوفمبر 30, 2008 12:17 am

    حلاوة زمان

    أحمد فؤاد نجم

    بمناسبة اللي بيحصل اليومين دول في الجامعات المصرية ووقفة شباب مصر ضد الحصار الجائر علي قطاع غزه الباسل..

    اصحي يا مصر

    اصحي يا مصر

    هزي هلالك

    هاتي النصر

    كوني يا مصر وعيشي يا مصر

    مدي اديكي

    وطولي العصر

    اصحي وكوني وعيشي يا مصر

    اصحي يا عامل مصر يا مجدع

    وافهم دورك

    ف الوردية

    مهما بتتعب

    مهما بتصنع

    تعبك رايح

    للحراميه

    جهدك عملك

    رزق عيالك

    عرقك مرقك

    ولا يهنا لك

    اصحي يا عامل

    غير حالك

    صون المصنع

    واصنع مصر

    اصحي وكوني وعيشي يا مصر

    اصحي يا زارع مصر الخضره

    قدرة وخضره

    ونور وجمال

    ابدر غيطك

    واحمي البدره

    ضد آلافه

    والاستغلال

    أرضك عرضك

    باب الدار

    صبحوا مداسه

    للسمسار

    نعطش

    ولانشربش عكار

    وصفة قالوها الحكما يامصر

    اصحي وكوني وعيشي يا مصر

    واصحي يا جندي

    يا تار الشهدا

    عمي وخالك

    أختي وأخوك

    لجل ما تهدا وتارك يهدا

    فرغ نارك ف اللي خانوك

    يابن الشعب يا حامي الشعب

    إنت أملنا في يوم الصعب

    اصحي يا جندي ودق الكعب

    حرر مصر وطهر مصر

    اصحي وكوني وعيشي يا مصر








    _________________


      الوقت/التاريخ الآن هو الأحد أغسطس 19, 2018 11:53 pm